Leikhúsboð - Tom, Dick og Harry

Leikhúsboð – Tom, Dick og Harry

Laugardaginn 7. mars býður Félag verslunar- og skrifstofufólks Akureyri og nágrenni lífeyrisþegum félagsins á leiksýninguna Tom, Dick og Harry í uppsetningu Freyvangsleikhússins. Boðið verður upp á kaffi í hléi. Um takmarkað sætaframboð er að ræða og því þurfa félagsmenn að skrá sig með því að hringja í síma 455-1050 eða senda póst á fvsa@fvsa.is. Hámark tveir miðar á hvern félagsmann.

Engin rútuferð verður í boði, gestir mæta beint í Freyvangsleikhús kl. 14:45, sýningin hefst kl. 15:00.

Um sýninguna
Leikverkið segir frá hjónunum Tom og Lindu sem eiga von á starfskonu frá ættleiðingarskrifstofunni. Bræður Tom, þeir Dick og Harry, eru ekki alveg skörpustu hnífarnir í skúffunni og eru með alls konar ráðabrugg og hugmyndir til þess að einfalda lífið - bæði fyrir sjálfa sig og fyrir Tom og Lindu. Við atburðarrásina fléttast að auki ýmsar persónur sem flækja málin.